زواج

ولازم سنها يبقى مناسب طبعا: لا نفس سنه ولا أكبر منه علشان ما تبقاش عجوزة أصل الستات بتعجز بدري، ولا أصغر منه علشان متبقاش عيلة أصل البنات دماغها فاضية. وياريت تكون بتشتغل وبتجيب فلوس، بشرط تحسسه إنه راجل البيت وهو اللي بيصرف. وتكون مثقفة ومطلعة وبتقرأ وعقلها مشغول بحاجات أهم من شغل البيت ومشاكل الشغالة، بس في نفس الوقت متفرغة لشغل البيت والعيال والطبيخ والشغالة. عايزة تخلف نص دستة، بشرط تفضل مانيكان روسية بترقص باليه بحيرة البجع كل يوم الصبح عالريق. تكون بتعرف تطبخ وترقص وتسوق وتغني وتنضف البيت وترسم وتلمع وتعزف بيانو وتكوي وتربي عيال وكمان تدلع الزوج طبعا.