أنا عندي قاعدة بحياتي وهي إنه “ كثرّ الغلط بقلل القيمة” الإنسان إلي بتكون بتعزه وبتحترمه أي كان نوع علاقتك فيه وهو بغلط بحقك بإستمرار أو كل غلط و الثاني عن أسبوع زعل و استغراب وسؤال واحد “ كيف حد هيك يغلط في حقي؟"، هو مستحيل نفس الإنسان إلي أنا احترمته ، لأ مستحيل يقلل من إحترامي ، وكثير تفاصيل بتخلي إلي قدّامك يقل وينزل من عينك لأنه تصرفاته عيب بحقه قبل ما تكون عيب في حقك ، صورته بتتغير في عينك و المعزّة بتروح وبتفقد ثقتك و أمانك فيه ، بتصير تدور ع أشياء جيدة عملها زمان بس عشان تخلي علاقتك فيه انه لو شفته بمكان ما تلّف وجهك ولا تغير الطريق .!
العلاقات بالنسبة إلي بطارية موبايل ، حتى لو كنت بتحب هالتلفون وهو بضل يخرب ، رح تضلك تحاول تصلح فيه مليون مرة لحد ما خلص تفقد الآمل لانه رح يضل خربان ورح ترميه ، لأنه بطل إله قيمة عندك ..