هى والتحرش

هاتلاقى ان اغلب السيدات اللى قالوا انهم بيتعرضوا لتحرش بيلبسوا ملابس واسعه وطويله وبيلبسوا مايسمى بالزى الاسلامى
دا استطلاع راءى اجراه موقع ياهوو على الموضوع دا و هوا بيتكلم عن السبب اللى بيخلى الستات تلبس لبس ملفت و لما بيلفتوا النظر و حد يبصلهم يرجعوا يضايقوا


      ن احسن اجابه مظبوطه...التعرى الزائد نوع من تعويض نقص ثقافه او ذكاء ...والشكل الزياده اوى ده على فكره مش موجود كده فى مصر...
      يعنى انت عمرك ركبت الاتوبيس ولاقيت واحده لابسه ستوماك؟؟ عمرك دخلت جامعه القاهره مثلا ولاقيت بنات بشورتات..عمرك لاقيت جارتك او زميلتك فى النادى او فى الشغل واقفه فى الشارع ببدى ستوماك وهوت شورت؟؟
      ولو شوفت هاتبقى نسبه ضئيله جدا جدا جدا..
      يعنى الاغلبيه فى بلدك مابتلبس كده...ومع ذلك بيتبهدلوا فى الشارع كل يوم...
      وعلى فكره انا مش بسال وبجاوب من عندى..انا برد بالمنطق ...يعنى لما اقوللك الغلط يتعالج بغلط اكبر ..واقول طبعا لا..يبقى مش بسال وبرد مع نفسى لان ده سوال مش محتاج اجابه منك..

   
      انا فاهمه الحمله صح ..ومعاها بس ليا تحفظ..ان حمله احترم نفسك..كانت بتقول للولد اللى بيعاكس او يتحرش احترم نفسك.(على فكره انا مش موافقه بنسبه كبيره على الكلمه دى لانى شايفاه انها هاتقلب بعند ) بس اهو..ولد قليل الادب مستهتر بيعاكس فالحمله بتقوله احترم نفسك...بس تعالى شوف اسم حملتك (احترمى نفسك لكى يحترمك الاخرين ) اكتر من 80 % من السيدات يوميا بيتعرضوا لتحرش...هل كلهم مش محترمين؟؟
      هارجع هاقول اكيد لا ..واكيد منهم كتيييير محترمات جدا...طب اهو؟ مش محترمنهم ليه؟؟
      الكلمه نفسها جارحه اوى...انك تقول احترمى نفسك لسيده او فتاه....
      وزى ماقولت احنا ولا منتشر عندنا بشكل فظيع الهوت شورت ولا الستوماك فى الشوارع...انت بتتكلم فى نص كوم ولا كت..بنطلون طويل ولا برموده...يعنى فروق بسيطه وزى ماقولنا الموضوع نسبى

      عموما مش قضيتنا الاسم ..انا زى ماقولتلك انا مش بهاجمكم ولا حاجه بالعكس انا فعلا بتمنى لكم النجاح..بس فيه نقطه الاختلاف اللى مابنا..انت شايف ان البنت اللى لابسه لبس من وجهه نظرك مش كويس حلال فيها التحرش..؟
      هو ده السوال اللى محتاجين اجابه ليه
      .وانا عن نفسى ا شايفه ان مافيش اى عذر يبرر التحرش...مهما كانت اللى ادامى لابسه لانى انسان ربنا اداله عقل يقدر يتحكم فى غرايزه وشهواته
      إبلاغ

انت قولت مين انت قولت مصر يعني دولة عربية شرقية ليها عاداتها و تقاليدها الاجانب يلبسوا بقى ما يلبسوش ده شئ راجع ليهم المهم احنا ما نقلدهومش في عاداتهم و احنا كلنا معتقدين ان ده غلط
و بالنسبة للاب و الام اللي يسمح لبنته انها تلبس لبس مش هقول مبتزل ولا فاضح هقول انه على الاقل بيظهر شوية من دراعتها على صدرها على رجلها و اكيد شعرها مش عارف اقول ايه بصراحة عشان محدش يزعل مني
معلش انا يمكن كلامي مش جي على مزاج ناس بس انا بقول رايي بس
ده كان اولا
ثانيا بقى و هو الاهم ان الموضوع اصلا ان احنا لازم نربي في نفسنا اخلاق ولاد البلد اللي لو شافوا ايه ما يتهزوش وكمان لما يشوف بنت في مشكلة يساعدها بغرض المساعدة مش عشان هي حلوة ولا رقم تليفون ولا بتاع
و كمان البنت لازم تحافظ على نفسها من كل حاجة لبسها ولا مشيتها ولا اخلاقها
يا جماعة المفروض نصلح اخلاقنا الاول و ساعتها نبقى نقول ده لابس و ده قال
ارجو محدش يزعل مني انا بقول رايي بس و كلنا معرضين للخطأ المهم يكون الكلام في حدود العقلانية و الادب هو ده الهدف الرئيسي من الجروب ده على ما اعتقد و بعدين احنا جايين نحل مشكلة مش جايين نتخانق ده صح ولا ده غلط كل واحد و ليه رايه المهم كلنا نتفق على الخطوة اللي ترجع لبناتنا الامان في الشارع و للولاد احترامهم و ادبهم
--------------------------
--------------------------------------------
وبالنسبه لموضوع ان احنا بنجيب من الغرب...فى الستينات ايام ماكانت امريكا سيداتها متحفظات فى لبسهم احنا كنا بنلبس المينى والميكروجيب...
يعنى بلاش يجى واحد يقول اصل الفساتين والجيبات دى موضه الغرب واحنا بناخدها...سيدات بلدك كلهم كانوا يرتدوها فى الستينات..والحملات والكات كانوا شىء طبيعى واتربوا عليهم جداتنا وخالاتنا زمان..ايام ماكانت البلد واهلها بخير..
فاللى بيقول البنات لبسها باظ دور كده فى البوم الصور القديمه اللى فوق الدولاب وطلع الصور الابيض واسود وشوف اللبس كان ازاى...