بلطجية مصرية

فيه ناس لما بتلاقي حيطة نضيفة أو مدهونه جديد بيكتبوا عليها : " مبروك البويه " .أو " إمسح و أنا هكتب تاني " .... و لما الحكومة بتجيب أتوبيسات نقل عام جديدة أو عربيات للمترو برضوا بيكتبوا عليها : " مبروك المترو الجديد" أو يقطعوا الكراسي اللي فيه...لإن الشخص ده ببساطة مش عايزك تعيش مستريح او في مكان نضيف ... حاقد و بيستمتع يضايق الناس و بيشعر بسعادة إنه بيعاندك و يعاند الحكومة و يستفزها عشان يرضي عقدة النقص اللي جواه...هي النوعيه اللي بتقطع الطرق و الميادين علي الناس بحجة إن مطالبهم مشروعه و فاكر إن كده هيخليك تكره الحكومة معاه و تنضمله و برضه بيرضي عقدة النقص اللي جواه لما يشوف حالك واقف بسببه و يحس إنه متحكم في مصالح الناس...هي دي نفس النوعيه اللي حرقت علم مصر في محمد محمود ...و نفس النوعيه اللي بتتحرش و تغتصب البنات في المظاهرات..... و هي النوعيه اللي بتستفز الداخلية كل مره و تحول أي مظاهره سلميه لطوب و مولوتوف...و هي نفس النوعية اللي بتخرب و تدمر المصالح الحكومية و معندهاش مانع تولع البلد كلها....بسبب النوعيه المريضه دي إتعمل "قانون التظاهر"....اللي رغم كل عيوبه إلا إنه مناسب لمواجهة الأشكال دي .....