راى الشعب

• 

  عارفين مين اللى لابس نضاره وواقف ده ... ؟
  
  دى صوره كانت النهارده لوزير النقل الدكتور/حاتم عبد اللطيف
  فى المترو بدون حراسة نازل يتابع ويراقب بنفسه مستوى الخدمه ا...مشاهدة المزيد

  أعجبني ·  · المشاركة · منذ 6 ساعات ·

  • 
    
  • 

    
    

  خيارات
• 
  

  اقراوااااااا واعوووووا

  عشان نبقي علي نور وكل واحد يعرف مكانه ... اللي جاي مش هزار
  

  
  اللي نازل يوم تلاتين .....
  
  اولا سعادتك نازل مع ناس قايلين احنا نازلين نشيل الرئيس مرسي .... حلو ياباشا؟
  يعني لو هاتضحك علي نفسك او علي وتقول لا ... احنا نازلين نعترض بس .... يبقي سعادتك غلطان .... روح اعرف الاول دول نازلين ليه وبعدين كمل قرايه الكلام لو ليك نفس ... ومافيش حاجه اسمها انا علي نيتي وكل واحد ونيته ..... لا ياحبيبي .....
  سعادتك نازل محارب ضد رئيس منتخب معترف به في العالم باقتراع ديمقراطي سليم ...... يعني الاغلبيه ارتضت الديمقراطيه وجابت ده حاكم .... ماجاش علي هواك او مش عاجبك يبقي فيه نفس الاليه اللي جابته تمشيه .... اي حاجه غير كده ده اعتداء علي حقوق الغير واهم من ده هدم لبلدك واهدار لدماء بريئه وضياع لممتلكات
  هاتقول لي ماحنا شيلنا مبارك كده ... اقول لك مبارك حكمنا غصب عنا و كلنا ثرنا ضده عشان الديمقراطيه دي اللي وصلنالها وبيها هانختار كل حكامنا ....
  يعني ايه ... البلد بتضيع .... والسولار ... والميه ... والكهربا .... واثيوبيا .... والمنتخب ..... وووووورووو
  سعادتك الراجل بقي له عشر شهور .... في العشر شهور دول خمسه وعشرين مليونيه ومئات الاعتصامات وشرطه وقضاء واعلام بينخروا في عضم البلد تفتكر لو كنت مكانه هاتنجز قد ايه؟؟؟ الرغي كتير في الموضوع ده ومش هاكرر الكلام اللي الدنيا بترغي فيه
  بالرغم ان الراجل شغال تحت كل الضغوط دي وبيحاول وناس كتير بتحاول تساعده وناس بتقع .... مش مشكله
  
  من حقه وحق اللي انتخبوه ياخد الدوره كامله و بعد كده نقرر ان كنا عاوزينه تاني او لا
  العقل بيقول كده ......
  وبعدين سعادتك مش شايف ابعد من مناخيرك ..... فيه دوله في العالم هاتبعت كيلة دره لبلد رئيس الجمهوريه فيها بيتغير كل ست ساعات ؟؟؟؟ هاتقول ازاي يعني ؟ دي هي مره واحده!!!
  اقول لك لا يا عزيزي .... الاتناشر مليون اللي صوتوا له دول اكواز حلبه مثلا ؟؟؟؟؟ ماهاينزلوا برضه يشيلوا اي حد بعده !!!
  ودول بقي مش بتوع فضائيات و بي ام دبليو وكورال باسم يوسف ...، دول بتوع شهاده !!! .. فاهمني يازعيم؟؟؟
  (صمت !!)
  
  لما يبقي اللي بيدعوا للنزول ... البرادعي ابو الذرات وحمدين ابو صدام .... وسامح عاشور بتاع ايام مبارك وياريت تقرا وتعرف تاريخهم .... لميس الحديدي وعمرو اديب ووائل الابراشي والمزه ذات الدموع المباركه .... اللي انطردوا من التحرير وفيديوهاتهم موجوده لسه عالنت ... محمود سعد ...... رفعت السعيد .....فاطمه ناعوت....... حازم عبد العظيم ...... الغريق فشيق .... العوكش ..... شوبييييييييير ..... الغندووووووووووور ...... مرتضي منصووووووور ..... الهام وفيفي وغاده عبد الرازق ..... خالد يوسف ..... باسم يوسف ...... خيري رمضان وتامر امين وفريق عمل البيض بيضك .... محمود بكري ...... ساويرس ....... مايكل منير ... الشيخ ميزو .... الحقيد حفيفي ...... حماده !!!!!
  ومعاهم البت اللي تخوف بتاعة السكافه !!!!
  سعادتك يامعلم نازل مع نظام مبارك ايد في ايد .... النظام اللي انت (او بعضكم عشان اكون دقيق!) نزل من سنتين واتسحل في الشوارع ومات منهم ناس واصيب ناس اكتر ومعاقين اكتر واكتر عشان يتشال ... فاكر مبارك؟؟؟ فاكر اخترناه .. اخترناااااه ؟؟؟ ووجوه الحزب الوطني الوقحه القبيحه؟؟
  فاكر جمال مبارك ومؤتمرات احمد عز؟؟؟ فاكر فتحي شرور ومفيد شهاب؟؟؟؟ وطشة الملوخيه بتاعة ممتاز القط؟؟؟؟؟؟؟ طب فاكر البيض بيضك ؟؟؟ وعمرو عبد السميع بتاع حالة حمار؟؟؟؟؟؟
  فاكر ليالي القوات المسلحه الملاح لما كانوا يحتفلوا بحسحس وطلعته الجويه البهيه والناس مش لاقيه تاكل بره السور ؟؟؟؟
  طب فاكر عبد الحميد شتا؟؟؟ ده كان الاول في اقتصاد وعلوم سياسيه واتقدم لوظيفة ملحق دبلوماسي و نجح في كل الاختبارات وتم رفض تعيينه بجمله واحده : غير لائق اجتماعيا !!
  الولد راح رمي نفسه في النيل وانتحر ... وسكتنا كلنا
  طب فاكر خالد سعيد ؟؟؟ وسيد بلال ؟؟؟؟ ده لسه دم شهداء مواقع الثوره مابردش في التربه ... اللي اتقتلوا بدم بارد وعربيات الشرطه والسفاره الامريكيه كانت بتهرس في لحمهم الحي
  عارف مين كمان نازل معاك؟؟؟ الشرطه !!!! ...... اه والله ..... وايدهم في ايدك .......كلهم وبيسبوا الدين لمرسي والاخوان والفيديوهات موجوده ..... ازاي الكلاب الاخوان دول ينظفوهم ويطهروهم ؟؟ .... دول كانوا في الزنازين ولازم يرجعوهم ليها!
  والناس بتستسهل الكلمه وبينسوا هم ليه اصلا كانوا هم وغيرهم في الزنازين ...
  طب فاكر الممثله حبيبه اللي اتسجنت في جريمة قتل بعد اعترافها .... وبعد خمس سنين لقوا القتله الحقيقيين بالصدفه وانطبقت الادله الجنائيه والمعمليه عليهم واعترفوا بالتفصيل وطلعت من السجن تبكي وقالت اجبروني عالاعتراف ظلم ؟؟ ياتري عملوا فيها ايه عشان يبقي فقدان حريتها وحياتها ارحم من اللي بيعملوه فيها؟؟؟
  دول رفاقك يوم ٣٠ ... واقف جنبك .... بيقول يسقط حكم المش عارف ايه ... بس بيسب الدين في سره .... ويمكن قدامك ... مانت مش هاتمانع .... اهم حاجه تخلص من مرسي البيئه !!! بتاع اهله وعشيرته !!! ماهو مش بتاعنا !!
  
  ايه ياجدعان ؟؟؟؟؟ صعبه دي؟؟؟؟؟؟
  ده ربنا والله العظيم حاطط لنا امتحان سهل وتقريبا الاجابه معاه واحنا مش شايفين !!؟؟؟؟
  امال لو كنت عايش ايام الفتنه اللي بجد وكان قدامك تختار بين سيدنا معاويه وسيدنا علي والاتنين من صحابة الرسول صلي الله عليه وسلم كنت عملت ايه؟؟؟؟؟
  
  ختام الكلام .... عشان ماتقولش ماحدش قال لي .... سلميه دي تبقي عند ام سلميه .... ده انقلاب مسلح بالبلطجيه والشرطه علي شرعيه وحكم ديمقراطي ورئيس منتخب ولو انت مش عارف ده عواقبه ايه يبقي مافيش كلام ينفع معاك
  
  اي نقطة دم او اي قرش يضيع من مال في رقبتك يامعلم يوم القيامه ...ولو حتي شاركت بكلمه او بتويته من بتوع صاحبك .. مافيش هزار في دي
  تخيل بكلمه منك زي "فين ايام مبارك ماكنا مرتاحين" تشيلك ذنوب كل نمله اتعذبت واتقتلت واتسحلت ايام الحاكم ده وكل مليم اتنهب من دم الغلابه من اصغر طفل فلسطيني استشهد في غزه لحد سيد بلال وبعده شهداء الثوره؟؟؟ تخيل كلمه تنزلك اسفل سافلين
  ولا الفتك اللي بيقول " عاوزين نحط الاخوان ولاد الكلب كلهم في المعتقلات او اديني مدفع رشاش اخلص عليهم ولاد ال ...." تصدق ممكن تقابل ربنا وف صحيفة اعمالك ظلم الناس دي وانت نايم في بيتكم ؟؟؟؟
  
  خائب من باع آخرته بدنياه .... وأخيب منه من باع آخرته بدنيا غيره !!
  
  هو احنا ناقصين ياجدعان ؟؟؟؟ ما اللي فينا مكفينا
  
  عقلك في راسك وكل واحد متعلق من عرقوبه .... قشطه؟