الالتزام والحجاب

موضوعنا اليومـ عن الالتزامـ !!

كلامـ كتير عن الالتزامـ ..عن مفهومه و عن الملتزمين ..و اختلفت الآراء,,,
بس يا ترى ايه هو المفهومـ الصحيح للالتزامـ ؟؟؟
و مين هو النموذج الصحيح للملتزمـ ؟؟
و يا ترى ايه ثمرة اللى بيلتزمـ ؟؟
و لأن الموضوع مهمـ و شائكـ فى نفس الوقت ..
كان لازمـ أجمع آراء و نعرف رأى الدين !!!
و نحاول نستفيد من تجارب ناس مشيت فى الطريق ده !!
و اليكمـ حبيباتى آراء الشباب فى الالتزامـ !!!
منهمـ من أيد الناس الملتزمين و منهمـ من لمـ يفعل !!!
و اليكمـ اجابات الشباب !!
أول سؤال ::
ايه رايكـ فى الملتزمين ؟؟
أول رأى :
شاب فى الجامعة ,,,
الملتزمين دول ناس معقدين و كل تصرفاتهمـ غلط فى غلط
ثانى رأى :
شاب فى الجامعة ,,
ناس كويسة و مية مية
بصراحة فى منهمـ صورة حسنة للاسلامـ و فيهمـ متشددين مما يجعلهمـ منفرين و لا يستمع اليهمـ غير الملتزمين و بعضهمـ مثال لمن يسلكـ طريق الله - أتمنى أن اكون منهمـ بس بعضهمـ للأسف يسيئون للملتزمين -
رأيى أن عددهمـ قليل و خبرتهمـ ضعيفة و نحن بحاجة اليهمـ لنفهمـ ديننا -
الملتزمون أصحاب هدف بس ناس بنتسب اليهمـ و همـ لا يفهمون معنى الالتزامـ
ثالث رأى :
و هذا رأى فتاه فى الجامعة !!
مع احترامى فى ناس بتنظر للى مش ملتزمة أو اللى مش محجبة انها كافرة و متبرجة أو أقل منها فى الالتزامـ ..
الناس دى هما اللى كرهونى فى الناس المتدينة و دى عن تجربة شخصية!!!
رأيى انهمـ فئة جديدة جدا لأنهمـ بيساعدونا عشان مننحرفش ..
أنا مش ملتزمة بصراحة بس نفسى ألتزمـ !ّ!
أتمنى أن تشاركونى !!
و تقولولى آراءكن
و لكن انتظروا قليلا حتى أكمل الموضوع فى الرد القادمـ
السؤال الثانى الذى وجه للشباب فى الجامعة !!
ماذا تعنى لكـ كلمة التزامـ ؟؟
الرأى الأول::
هو رأيى و رأى معظمنا !!
رأيى أن الالتزامـ هو الابتعاد عن كل المعاصى و الذنوب بس بدون خلط!! عشان منصعبش الموضوع !!
هو أن أكون صورة مشرفة لدينى و أنفذ ما أمرنى الله به و أمر بالمعروف و نهى عن المنكر و أحبب الناس فى ديننا
و هو احترامـ الآخرين و حسن الخلق معهمـ و عدمـ التفوه بألفاظ غعير لائقة !!
أنا رأيى ان مفيش حاجة اسمها التزامـ وسط يعنى يا أبيض يا أسود !!
اما بيصلى أو اما مش بيصلى مفيش وسط !!!
و الالتزامـ أيضا هو مراعاه الله فى كل أمور الحياة
خلاصته !!
الاستقامة كما أمر الله و اتباع سنه الرسول صلى الله عليه و سلمـ
- هو الصدق فى العبادة و التقرب من الجنة بالطاعات و السنن !!
!!!
قد تتباين الآراء و تختلف المفاهيمـ
حول معنى الالتزامـ !!
و لكن ,,,,
الهــدفــ واحــد
,
و الغايـــة واحــدة!!
ألا و هى ,,
(الوصول الى معنى صحيح و مفهومـ حقيقى للالتزامـ ..نسعى جميعا لتحقيقه فى أنفسنا و مجتمعنا ,,)
دعوونا ننطلق بعد أن تابعتمـ معى آراء الشباب و البنات فى الجامعة!!
,,
نحاول أن نصل معا للمفهومـ و المعنى الصحيح للالتزامـ !!

ابقوا معى!!
لنهاية الموضوع !!!
رأى الأستاذ عمرو خالد عن مفهومـ الالتزامـ !!

يعنى ايه التزامـ ؟؟؟
ناس قالت تصلى و تصومـ .. و ناس بتقول !
لازمـ تكون أخلاقكـ كويسة و تعامل الناس معاملة حسنة و ناس قالت انكـ لو بعدت عن الحرامـ حتبقى ملتزمـ ز غيرهمـ قالوا انكـ تحاول ترضى ربنا فى كل حياتكـ سواء عباداتكـ أو فى تعاملاتكـ مع الناس أو فى مجتمعكـ اللى انت عايش فيه!!!
و الحقيقة ان الالتزامـ هو كل ده !!
هو شامل لكل الحياة .. هو عبادة و أخلاق و سلوكيات و تعاملات ,,
فى المظهر..فى الوظيفة ,,فى الدراسة و فى كل حاجة فى حياتنا ,,
لكن ,,,,
مش معنى الالتزامـ ان ان مفيش غلط !!!
لأ أكيد ممكن يكون فى أخطاء
( كل بن آدمـ خطاء و خير الخطائين التوابون ) حديث شريف ,,
بس فى فرق بين اللى عايش فى المعصية و مصر عليها و مش شاغل باله المعصية خالص و بين اللى بيقع فى معصية و بيقاومـ و بيقصر فى طاعة و بيحاول يعالج التقصير
,,,
الالتزامـ ده فطرة كل انسان
و ان حب الخير و الصلاح مغروس فى قلب كل انسان !!

الالتزامـ خط مستقيمـ بيحاول كل واحد فينا انه يعيش عليه و على جانب الخط ده طرق تانية واقف على كل طريق منهمـ شيطان بيدعوهمـ اليه و بيزنه ليهمـ
فالالتزامـ انكـ تحاول الا تقع فى الطرق دى !!
و لو وقعت ترجع بسرعة للطريق المستقيمـ ,,طريق الالتزامـ !!,,,

كانوا ماشيين فى طريق .. كان فيه صح و كا فيه غلط ,,
.. كان فيه خير و كان فيه شر!!
و فجأة ,,,
قرروا يغيروا حياتهمـ ,,
و اختاروا طريق جديد !!
>>طريق الالتزامـ<<
و علشان همة مشوا قبلنا فى الطريق ,,
كان لازمـ نحاول نستفيد من خبرتهمـ!!

ممكن تجربتهمـ تكون فيها أخطاء!!
..
و ممكن يكون فى التزامهمـ حاجة غلط !!
لكن ده ميمنعش ابدا ان احنا نعرف رأيهمـ و نحاول نستفيد من خبرتهمـ !!

العجيب هذا المعنى يغيب عن الكثير من الملتزمين

والأعجب أن الاسلام ما انتشر بظاهر الالتزام ….
وإنما بالأخلاق التي حث عليها الاسلام….

أدهشني كثيرًا الموقف الأول

بس يا جماعة …
تعرفون حديث الرسول -صلى الله عليه وسلم- :
(الناس معادن كمعادن الذهب والفضة)
فيجب أن نغير في طريقة تفكيرنا
بحيث نقول هناك من الأناس العاديين (ذوو خلق حسن أو سيء)
وهناك من الملتزمين (ذوو خلق حسن أو سيء)

أعني بذلك الكلام

نحاول ما ننشر بين الناس إن الكثير من الملتزمين أخلاقهم سيئة
ولكن نزرع فيهم إن الناس معادن والقليل من الملتزمين كذلك
حتى لا يكون هناك نفور من الالتزام … لأن الناس دائمًا
مع موجة البحر… تأخذهم يمينا وشمالا ..

أما النقطة الثانية

فعلينا أن نراجع أنفسنا ونقيم أخلاقنا وتعاملنا عن طريق الآخرين لا عن طريق أنفسنا…

بس أغير في العنوان شويه

عفوًا التزامك ناقص وليس خاطئ
لأن ذلك الرجل عليه جميع مظاهر الالتزام سوى الأخلاق أو الغضب الزائد

النقــاب ونظـره المجتمـع له

النقـاب 

انتشـر بشكـل ملفت للنظـر في السنـه الاخيره عـاده او موضـه او ظاهره لبس النقـاب

واصبحـت موجوده بشكل ملفت للنظـر

في الشـوراع في الجـامعات في المدارس لا يخلي مكـان

ألا فيه واحـده لابسـه نقـاب

دا ممكن كمـان مش بتشـوف دا ممكن يكـون اختك او اي حد من عائلتك لبسينـه كمـان 

بس الاول كان عددهم بسيـط دلوقتي بقـا عددهم كبير

والمشكله ان مفيش سبب من القرءان او السنـه لفرض النقـاب

غير عشـان الفتنـه

لذلك ألي بيلبسـوهم كالأتي :

في منهـم لبسينه عشـان الفتنـه !

الفتنه عشـان هما جميـلات جدا لدرجه الفتنه !!!

ومنهـم لبسينـه عشـان باباهم ومامتهم رابوهم علي كده ومامتهم لابسـه النقـاب

ومنهم لبسينـه عشـان خايفين علي نفسهم يا يحصلهم حاجه في الشـارع من حراميه او معتديـن بشتي اشكلهم

ومنهـم كان نادر ندر ان لو حصـل كذا انا هلبس النقـاب وفعـلا يحدث هذا الشئ فتلبسـه

ومنهم لبسينـه عشـان يتخفـوا من شئ معيـن وكان اخرهم هيـاتم الممثـله عشـان كان عليها حكم قضـائي وقبض عليها

دا منهم رجـال لبسينـه لدافع السرقـه او مسجلين خطر

او سـاقطـات لبسينـه عشـان الناس في الشـارع ألي ساكنين فيـه مش يعرفوا هما شاغلين ايه بظبط

ومنهـم لبسينـه لعيـوب خلقيه في الوجه

ومنهـم لبسينـه لان صاحبتها كلهـم لبسينـه وهما اقنعـوها بيه

طبعـا كل دي اسبـاب عشـان المنظـر العام الناس تقـول هذه امرآه متدينه

وطبعـا هذه الاسبـاب واهيـه ماعدا السبب الاول

عشـان كده نظـره المجتمع ليهم اختلفت

بعـد ما كان الاول كل النـاس تنظر اليهم بمنظـر واحد بس وهو التدين زيـاده عن اللزوم او التدين بس

بقـا التعامل معـاهم والنظره ليهم بنـوع من الحرص والتريقـه

يعني بالنسبـه للسيدات او الشابات بقـا من نوع الحرص عند اغلبهـم

سـاعات بتـوصل لنـوع من الخـوف عند بعض منهن

وعند الشـباب او الرجـال نوع من التريقـه والسخريه  لدرجه كبيره عند بعضهـم

–

المشكـله الاكبر التي تأتي عليهم 

ازاي يتعـاملوا بشكل طبيعي زي الناس

من حيث الاكل والشرب والعمل

ازاي تأكل وهي حطه النقـاب او تشرب

خصـوصا في مكان عملها او في مكان دراستها

امامها تعمـل حاجه من اتنين يا ترفع القطعه الاماميه التي امام الوجه عشـان تعرف تأكل او تشرب

وهتطر في الحاله دي انها يا تستخبـي عشـان الناس مش يشوفوا وشها

ودا هيخليها مدايقه عشـان كأنها بتعمل حاجه غـلط

او تأكل او تشرب وهي وضعـاهم ودا بيضعهـا في موقف مضحك جدا امام النـاس

وممكن من الاكل القطعه الاماميه دي تتوسـخ وسـاعاتها هتبقـا مضطره تكمل بيها اليوم كده لحد ما تروح ودا هيخليها متقززه من المنظر دا

او في تعاملها مع الناس

ازاي تكلم معـاهم والناس بتبقـا مش متقبـله الوجه المتغطـي دا في التعامل

نظره الناس ليهـم

ازاي البنت دي ألي سـاعات بيبقـا عندها 16 سنـه ووضعه نقـاب  تتجـوز !!

او يعجبهـا شـاب وتكلم معـاه ودا مش مقبـول طبعـا بالنسبه ليها

وطبعـا مش ممكن شـاب يتقـدم لواحده مش بـاين منها اي حـاجه

دا غير ان في امهـات بتحظـر بنـاتهم من التعامل مع اي واحده منقبـه

بـل والحكايه دي كمـان مش في الدول العربيه او الاسـلاميه عندنا بس

وكمـان بره في اوربا او امريكـا في نـاس وضعه النقـاب

ونظـره الناس ليهم في الوضع دا نظـره خـوف

عشـان دي واحده مش ظـاهر منها حـاجه دا غير انها بتتعرض للتفتيش كل شـويه

طيب والناس ألي مش عارفه الاسـلام خـالص دي

هتقـول هو الاسـلام فارض علي المرآه حجـاب ولا نقـاب ولا ايه بظبط !

ولما يقـروا من نفسهم مش هيـلاقوا حاجه بتقـول كده

طيب الناس دي لابسـاه ليه

والمشكـله الاخيره

ان البنـت دي مش تعرف تعدل عن القرار دا ابدا

بحيث انها مش هتعرف ترجع تاني للحجـاب وتبين وشها قدام الناس

تخـاف لتكـون الحكايه دي غـلط

وتبقـا دائمـا تراقب العـالم داخل هـذا النقـاب والعالم ينظـر لها بنظـر المندهـش دائما

مـارأيك وانت فرد من افراد العـالم او المجتمـفي الغالب اللي بتلبس النقاب بتكون متجوزه خصوصا

 في مصر

لكن لو مش متجوزه لما حد يتقدم لها عشان

يتجوزها اكيد بيشوفها  

في دول عربيه النقاب تقاليد عندها زي السعوديه يعني بتكون لبساه عشان نظام البلد كده وفي منهم لما بتسافر بتبقى محجبه عادي و  منهم مش بتكون محجبه اصلا

 في بنات اعرفهم مش محجبات لكن في السعوديه بيلبسوه عشان هو ده الوضع هناك

لكن بالنسبه للي بتلبس النقاب بتكون مقتنعه بيه طبعا

في كلمه سمعتها حلوه اوي عن النقاب
ان الحجاب فرض لكن النقاب فضل طبعا مش فضل من الواحده لا فضل من الله انه اكرم عليها عشان لبس النقاب صعب انت قولت شويه من المواقف الصعبه زي الاكل او الشرب في الاماكن العامه ونظره الناس وغيرهيعني اكيد بتواجه صعوبات بس على شئ هي

 مقتنعه بيه

الناس نظرتهم اتغيرت كانت زمان بتستغرب وتتريق وتخاف فعلا منهم بس دلوقتي خلاص بقى شئ عادي

طيب والناس ألي مش عارفه الاسـلام خـالص دي

هتقـول هو الاسـلام فارض علي المرآه حجـاب ولا نقـاب ولا ايه بظبط !

حكايه نظره الغربمش الغرب بينادي بالحريه وان محدش يعتدي على حريه الاخر كل واحد حر في لبسه وشكله زي مابيقولوا ولا لما واحده تلبس مايوه تبقى حره لكن نقاب تبقى مش حره 

لا حره برضه  

  النقاب حريه شخصيه لازم تحترم كل واحد حر

 يغطي وشه او  يظهره

في حاجه عايزه اقولها
الاسلام مش الدين الوحيد اللي فرض الحجاب للمراءهلو اخدنا بالنا في الدين  المسيحي هنلاقي الراهبات سواء في بلدنا او في الغرب او اي مكان انهم لبسين نفس اللبس اللي بينادي به الاسلام الرهبات مغطين شعرهم  ولبسين طويل يعني  التعمق في الدين عندهم بينص على كده

ليه بقى يستغربوا من الحجاب في الاسلام

ع ؟