كسر الملل

الناس الى عايزة تكسر الروتين او الى زهقت من تفاصيل يومها جبتلكوا اكتر من40 فكرة ممكن تتعمل فى خلال دقيقة ل 15 دقيقة و بسيطة جدا و مبهجة 💡

1.كلم حد من صحابك او حد بقالك كتير مكلمتوش و قولوا " كنت على بالى فقولت اكلمك " من غير عتاب 💜

2. ممكن تبتسم فى وش اى حد ( موضوع مبيكلفش خالص بس لا يقدر بثمن )😄

3. ممكن تبعتmorning text لصحابك او اى حد حتى لو معرفتك بيه سطحية او اى رسالة محفزة من غير مناسبة ( الموضوع مبهج جدا و انت نفسك هتحس بسعادة رهيبة )💌

4.ممكن تأمل في السماء 

5.اقرأ سورة يوسف او اسمعها بصوت اى شيخ بتحبه ( ماهر المعيقلى مثلا)💙

6.اقفل الموبايل و التلفيزيون خالص و حاول تقعد من غيرهم و تصفى ذهنك💆

7.راقب النجوم ( من الحاجات المبهجة جدا )🌟🔭

8.اعملك كوباية عصير بالليمون🍹

9.انزل اتمشى من غير وجهه معية

10.انزل ابسط نفسك و اعزم نفسك على ايس كريم او اقعد فى كافيه لواحدك ( اقفل الموبايل شوية )📵

11.اعملك كوباية شاى و اقعد فى البلكونة و الدنيا ضالمة 

12.ممكن تقرأ مقال بسيط   (مش هياخد منك اكتر من 5 دقايق ) 

https://lnkd.in/gFhxzHY

13.ممكن تدخل تقرأ مقال بسيط هنا🗞 https://lnkd.in/djgVmKh

14.اية رأيك لو اخدت هدية غيرتلك حياتك شوف 🎁

الفيديو( 3 دقايق بس) 

https://www.youtube.com/watch?v=LgTnmWZX39w

15.اطلع على سطح البيت اقعد فى الهوا و شغل بلاى ليست حلوة 🎻

16.اقرأ ملخص اى كتاب ( مش هياخد اكتر من 15 دقيقة )📚

17.حاول تكتب ( امسك ورقة وقلم و حاول تعبر عن الى جواك و احتفظ بيها بتاريخ اليوم او حتى على الموبايل )✍

18.مارس رياضة حتى لو مشى 🏋

19.ساعد اى حد و لو بشئ بسيط جدا ( ادى عامل نضافة ازازة ماية مثلا )💚

20.حاول ترسم حتى لو مش بتعرف طلع احساسك و خلاص🖌

21.فكر فى كل النعم الى فى حياتك 💛

22.انزل اتبرع بالدم او اشترى كيس بونبون او بالونة و اديها للاطفال فى الشارع 🍭

23.اكسر عندك و كلم حد مخاصمه بسبب تافهه 📱

24.قوم استعد للصلاة الى حان وقتها او صلى الى فاتك او صلى صلاة وتر 🕌

25.جرب تصلى ركعتين قيام ليل 

26.اقرأ سورة الملك قبل النوم 💙

27.اتصالح مع نفسك ( متبصش لنفسك بسلبية )

28.فكر فى شخص بتحبه و خطط لحاجة تفرحه 😀

29.البس اكتر طقم بتحبه و انت نازل

30.مارس هوايتك المفضلة 

31.خد شاور ساقع 🛀

32.أفهم كل يوم آيه من القرآن 

33.اتفرج على البوم صور بتاعك و انت صغير👼😂

34.اتفرج على الفيديو دا عظيم جدا و مبهج ( 5 دقايق)  

https://goo.gl/eKPbvB

35.افتح اليوتيوب و شوف فيديوهات محفزة⚡

36.اقرأ قصص نجاح من الصفر 

37.افتكر ذكريات حلوة 💭

38.اقعد مع ناس كبيرة فى السن و استفاد من خبرتهم فى الحياة 👴👵

39.فكر لو عندك 24 ساعة و بعد كدا تموت هتعمل اية ؟ و طبق الى فكرت فيه ⚰

40.متخليش حد ابدا يعكنن عليك يومك تجاهل كل حاجة وحشة 😻

وخلى عندك مبدأ انك تكون قدوة لأى حد سواء فى البـيت او الشارع او المسجد .. الخ ,, عسى تعمل تصرف إيجابى قدامه يقلدك و تأخذ حسنات بإستمرار بسببه ..

بص لأفعالك بنظرة تانية  😍😊💪

لو فيه حاجه تانيه بتفرحك وبتكون مصدر سعادتك اكتبها في كومنت.

فى اخر كل يوم اكتب 3 امور ايجابية فرحان انك عملتها و كافئ نفسك 

افتكر انك تستحق السعادة  و تستحق كل حاجة حلوة  متوقفوش حياتكوا على حد ممكن تفرحوا لواحدكوا عادى جدا المهم انك تدور على راحة بالك و تحاول توفر لنفسك البيئة الى تريحك و الى تقدر تكون فيها بأحسن حال 

يلا ابدأ من النهاردة علشان تستفيد فعلاً من الافكار الي فوق في البوست 

ومين عالم يمكن خطوة صغيرة تبدأها  دلوقتي  دي تكون سبب في تغيير كبير في حياتك بعد كده

وعلشان تحمس نفسك كل يوم وتحمس أصحابك .. حاول ترفع صورة لإنجازك أو تكتب حاجه مفيدة استفدتها كل يوم على الاكونت عندك وكمان طبعا الي محتاج اي ماتريال اطلب في الكومنات 

وكالعادة .. اعمل Share لو الموضوع مفيد 🙂

اقعدوا بالعافيه ❤️