ساعات بنقول ده مش حب ده اعجاب
وكأن مشاعر القلب انحصرت في الحب والاعجاب بس…
لكن الحقيقه فيه احساس تالت لاحظته من حكايات قلوب ومن تجارب شخصيه.
الاحساس ده اسمه الاستخسار…
استخسار الحب.
انك تلاقي حد بيحبك او معجب بيك وانت لا بتحبه ولا معجب بيه بس تستخسر حبه ليك..
حاجه كده غريبه لكن بتحصل…
خطوره الاحساس ده انك بتدخل العلاقه من باب انك بتمن على الطرف الاخر، يعني تحمد ربنا انى حنيت عليك وهنا بتكمن الخطوره.
ان الطرف التاني بيتعامل معاك على ان العلاقه بينكم علاقة حب متبادله وان ليه كافة الحقوق كحبيب ، لكن انت بتتعامل معاه كعبد مش سيد وبتحرمه بشكل لا ارادي من كافة حقوقه في علاقة الحب…
ولما الحبل هايشد أوي هتكون النهايه من الطرف التاني وهاتلاقي نار من ناحيته لأنه بيحس بجرح في قلبه وفي كرامته..
لكن انت بكل برود هتقوله….انت اللي جريت ورايا محدش ضربك ع ايدك..
علشان كده اوعى تظلم انسان وتقبل حبه استخسار
ارفض الحب ده بكل قوه من الاول وماتكدبش ع نفسك وتقول مش عايز اكسر قلب لان في الحقيقه رفضك في الاول عمره ماهيكون كسره لكن قسوتك في النهايه هاتكون دمار ….
اوعوا تحبوا استخسار
حبوا لما قلوبكم تدق بجد…
أبشع الجرائم اللي بنرتكبها في حق نفسنا هي التأجيلات !!
بنأجل الشكر والحضن والعياط والحب والصراحة والفرحه
بنأجل كل حاجه .. لحد ما يفوت الآوان
ليست هناك تعليقات:
إرسال تعليق