صباح الخير ….. شوية بديهيات على ما قُسُم:
- دفاعكم عن شخص متحرش حاجة محبطة ومقرفة جدًا، وكل التبريرات اللي اتقالت واهية وبربع جنيه تفكير هتلاقوها غبية.
- التحرش ممكن يبقى بنظرة أو كلمة أو إيحاء، مش شرط إنه يكون بلمس الإيد.
- لما تبعت نودز لحد من غير ما يطلبها أو يوافق عليها تبقى ابن كلب متحرش.
- كلنا بنغلط وماشية معانا بالستر، بس التحرش مش مجرد غلطة ده جريمة.
- حياتك الشخصية بتقف أول ما تبقى بتعتدي على حياة حد تاني، وبالتالي فكونك متحرش ده مش أمر شخصي إطلاقًا، وتستاهل تتفضح عشانه، ولو إنت خايف على مستقبلك، ماتتحرش.
- في فرق بين حد مهتم يتعرف بواحدة وحد داخل بأعضاءه عليها سواء حرفيًا أو تأثير أعضاءه عليه باين من طريقة كلامه، والبنت بتقدر تحس بالفرق بين الاتنين.
- البنت اللي اتعرضت للموقف هي اللي تقدر تحكم ده تحرش ولا لا.
- كل شخص حر حرية مطلقة في قبوله ورفضه للناس اللي حابب يكون في علاقة معاهم، وأي محاولة إجبار أو تأفف أو غصب ده نيلة تحرش.
- البنت اللي اتباست من واحد مش لازم تقبل تتباس من باقي الرجالة، هي حرة تتباس من اللي عايزاه بس.
- لبس البنت وأسلوب حياتها مايدكش حق تتحرش بيها، مايدكش الحق تحكم أصلًا عليها.
- الاغتصاب الزوجي جريمة وقرف على دماغ اللي بيعمله.
- البنات اللي بيدافعوا عن المتحرشين دول أوسخ خلق الله، ومالهمش ولا مبرر واحد منطقي عندي، وحقيقي أي بنت بتتمنى المواقف متتبدلش معاهم ويبقوا محتاجين اللي يقف جنبهم فيلاقوا هجوم عليهم، عشان ده إحساس وسخ.
- لو مش قادرين تقولوا كلمة دعم للضحية أو الموضوع ملتبس عليكم يبقى اسكتوا.
- العلاقة لازم تبقى بالتراضي بين الطرفين، والموافقة لازم تكون موجودة في كل مرة.
- الكلمة أو اللمسة اللي المتحرش بيرميها ويكمل بعدها في حياته بتعلم في جسم ودماغ البنت سنين، فبالله عليكم بلاش تدافعوا عن حد اعضاءه سايقاه ومبهدل بيها ناس تانية.
- مش مقبول تتعصب على بنت عشان رفضت تبعتلك نودز، حتى لو كانت بتبعت زمان.
- استخدام الابتزاز العاطفي عشان توصل لنودز أو سكس توك يدل على إنك بائس ومريض.
- الست من حقها ترفض العلاقة.
- الست مش آداة جنسية.
- الست حقها تقولها لا في أي وقت وغصب عنك تحترم ده.
- الحك تحرش.
- دفاعك عن متحرش ورفضك لعلاقة بالتراضي بين اتنين، يدل على إن ميزان حكمك على الأمور ملوث.
- هجومك على بنت لإنها قلعت الحجاب أو عايشة لوحدها واتهامك ليها بالعهر، وفي نفس الوقت تبريرك لأفعال شخص متحرش يقول إنك إنسان غير سوي إطلاقًا.
- دفاعك عن شخص متحرش لا يقع في خانة “إبداء الرأي"، ده تحريض وتشجيع لجريمة التحرش كلها.
- لو مش قادر تقف مع الضحية، اسكت.
شكرا
ليست هناك تعليقات:
إرسال تعليق