وإكتشفت !!
- اني لو معملتش لايك وتعليق وكتبت ( لا اله الا الله او الله اكبر او اي ذكر ) مش هتحصلي مصيبه ولا اي شيء .
- ان الناس اللي كلامهم قل معايا زاد مع ناس غيري .
-اني لايُمكن هعرف مين زار بروفايلي ! .
- اني مش لازم اعرف شكلي هيبقي ازاي بعد 20 سنه .. لاني مش ضامن اعيش لبعد 30 ثانيه .. بعد لما صاحبي مات فـ عز شبابه .
-اكتشفت ان الشخص اللي كنت فاكره كويس وراح .. طلع فضل من ربنا ودلوقت بقول كويس إنه راح .
- اني لما بسمع النُكته مره بضحك .. ولمااسمها مره تانيه بضحك لكن أقل من المره الاولي .. ولو سمعتها تالت مره .. مبضحكش خالص ! ومنها اتعلمت اني مينفعش أحزن علي نفس الحاجه مرتين !!
- اكتشفت اني مُش واجب احفظ القرآن الكريم كُله .. قد مهو واجب عليا يكون فـ أخلاقي ولو آيه من القرآن .
- اكتشفت ان مفيش بنت مُش جميله وان مفيش بنت مُش رومانسيه بس لكُل راجل بنت مُعينه تليق بيه .
- اكتشفت ان الانسان لما بيشبع بيبقي مُفترس ويعض الايد اللي اتدملته .. وان الحيوان لما يشبع بيبقي أليف ويبوس الايد اللي اتمدتله " الا من رحم ربي "
- اكتشفت اني مش لازم فـ 2016 ابقي أحسن من غيري وميهمنيش .. كُل اللي يهمني اني اكون احسن من نفسي زمان .
- اكتشفت : ان زي ربنا مبيبليش الا علشان بيحب .. ومبيحرمش الا علشان يعطي .. ومبيبكيش العين الا علشان يضحكها بزياده وعلشان نحس بطعم العسل لازم ندو حُدق الملح ! .. " وأنهُ هُو أضحَك وأبكي " !
- اكتشفت ان اللي اتكلموا عليا من ورايا ... اتكلموا .. لأنهم ورايا وانا سابقهم بكتير .
- اكتشفت ان النبي كان بينام علي الحصير .. وهُو اعظم خلق الله .. مين انا علشان اتكبر واحس اني حاجه .؟ وانا اقل خلق الله . !
- اكتشفت ان اللي بيتكلم ويمدح نفسه كتير .. بيبقي فـ نظر روحه والناس قليل .
- اكتشفت ان في ناس برغم متاعب الدُنيا وهمومها وطعمها المُر .. مجرد ما اشوفهم او اكلمهم بنسي كُل همومي واي شيئ وحش حصلي .. بيشبهوا بالظبط " للتوميه والمايونيز " لما بنحطهم علي السندوتش فبيادروا عيوبه وينسوك طعمه الوحش .
- اكتشفت اني مزعلش لو حاسس ان محدش هيفتكرني بعد لما اموت ! بعد لما عرفت ان من رحمة ربنا بيا ان كُل مكان سجدت فيه طول حياتي " هيبكي عليا يوم موتي وهيفضل يوميًا يدعيلي لحد يوم القيامه " !!
- اكتشفت اني لما يكون ليا صاحب صالح يقولي لو مضايق استغفر .. مبسوط اشكر الله .. يعني علي طاعة ربنا بكُل هدوء .. لو انا لاقدر الله دخلت النار ... صاحبي دا ربنا هيخليه يطلعني منها ويشفعلي .
- اكتشفت اني مش كويس ولا حاجه .. دا ربنا من كرمه ستر ذنوبي عن الناس وأظهر الجميل قدامهم وداري القبيح فيا عنهم .
- اكتشفت ان مينفعش احكي ذنوبي غير لله .. لان الناس بتعاير ومبتغيرش ! وربنا بيغير ومبيعايرش !
- اكتشفت اني اتولدت لوحدي .. وهموت لوحدي .. وهدخل قبري لوحدي .. وهتحاسب لوحدي .. وهدخل النار او الجنه لوحدي .. مالي ومال الناس وأرائهم وكلامهم ؟!
- اكتشفت ان الحياه مبقتفش علي حد .. وان البنت اللي كانت بتقول مقدرش اعيش من غيرك دلوقت عندها ولدين .. وان البنت اللي كان صاحبي بيقولها مقدرش اكل لقمه وانتي مش راضيه عني ! دلوقت سابها وبقي عنده كرش ! .
- اكتشفت ان الفلوس تشتري الدوا متشتريش الشفا .. تشتري الاكل متشتريش النفس .. تشتري السرير .. متشتريش النوم .. تشتري الشقه والعفش ومتشتريش الحُب .
- اكتشفت اني لازم احافظ علي مشاعري للي احس انه يستحقها .. مينفعش استهلكها مع الشخص الغلط ولما يجي الشخص الصح يلاقي جوايا فاضي .. مُش قادر اقدمله اي شيئ .
- اكتشفت ان الحاجه اللي خسرتها لو كانت خير مكنتش هخسرها .
- اكتشفت : اني لو اديت لامي 200 جنيه .. بفضل اسألها عليها .. وهي ياما ادتني فلوس وفوقها سنين عُمرها .. وعُمرها ما سألتني عليهم .
- اكتشفت ان أسوأ اوقات بتمر عليا سواء " مُشكله .. امتحان .. مصيبه " بتبقي أحلي ذكريات بعدين واقعد افتكرها واضحك . !
- اكتشفت ان النبي قال : من لا يشكر الناس لم يشكر الله " ! فشُكرًا ليك وليكي علي وجودكم في حياتي انتم نعمه وفضل من الله .
- اكتشفت ان علشان ربنا يسترني دُنيا وآخره لابد استر
 علي الناس ومفضهمش مهما عرفت عنهم ومهما غلطوا ف حقي .
- اكتشفت ان معظم الناس اللي صاحبتهم بيكون بينا فـ
الاول مشاكل ! وعلي راي المثل " ما محبه الا بعد عداوه "
- اكتشفت ان كُل همومي هتنتهي لأن ربنا باقي .. ومزعلش لو بقيت
 لوحدي لان ربنا كافي ..
 وميأسش لو كان ليا حلم مات ! لأن ربنا حي . !
- اكتشفت لما بخرج مع زمايلي اننا بنخرج نقعد مع موبايلاتنا ! مبنقعدش مع بعض .
- اكتشفت : اني مبقتش اتأثر بالاحداث " سواء دا اتقتل .. سد نهضه وقف .. مُش عارف ايه حصل " كُل الامور دي خلت الواحد جبله .
- اكتشفت انه ياما ف الحَبس مظاليم .
- اكتشفت اني لما اطلب شقه وعربيه ووظيفه .. ان دي مُش رفاهيه ولكن حقي كبني آدم .
- اكتشفت : اني كتير جدًا كُنت سطحي ,, أعمي رغم ان فيا عيون .
- اكتشفت : ان كل لما تمر عليا سنه .. العُمر بيقل مبيزدش !
- اكتشفت اني مهما عصيت ربنا ميأسش من رحمته ! " مهو ربنا مسماش نفسه الغفور الا علشان يغفرلنا .. ومسماش نفسه الرحيم الا علشان يرحمنا .. ومسماش نفسه العفو الا علشان يعفو عننا .. ومسماش نفسه اللطيف الا علشان يطلف بينا ويكفينا شر البلاوي .. ومسماش نفسه الجبار الا علشان يجبر بخاطرك المكسور يا صديقي !.انت تجذب نفس الشئ الذي تفكر به دائما وتضع معه مشاعرك .
أقضي بعض الوقت في التفكير في الحب ودفئ الاخرين لك تجذب لك المزيد من ذلك ..
فكر ايضا في شخص يكرهك واشعر بالاستياء ستجد كارهين لك بدءوا يظهرون من كل مكان