واحد و ثلاثون عاما
واحد و ثلاثون عاما من … خد كيس الزبالة و إنت نازل
واحد و ثلاثون عاما من … عزيزي المستمع بصبح عليك
واحد و ثلاثون عاما من … فتح التلاجة من غير اي سبب
واحد و ثلاثون عاما من … ساندويتش الجبنة بالخيار
واحد و ثلاثون عاما من … كنا هنروح في داهية لكن ربنا ستر
واحد و ثلاثون عاما من … اللعل و عسى!!
واحد و ثلاثون عاما من … والان مع فيلم السهرة
واحد و ثلاثون عاما من … ممارسة رياضة (التغاضي عن الأمر)
واحد و ثلاثون عاما من … اللي قلبك يحبهم
واحد و ثلاثون عاما من … إنتو عايزين مننا إيه يا حيوان إنت وهو يا حيوان يا حيوان!
واحد و ثلاثون عاما من … ال يختااااااااااي
واحد و ثلاثون عاما من … شندوشت هامبورجر ومنطلون سكريتش
واحد و ثلاثون عاما من … حد يعدل الشبشب المقلوب
واحد و ثلاثون عاما من … بس يا جحش
واحد و ثلاثون عاما من … أيوه يعني إنت عاوز إيه؟
واحد و ثلاثون عاما من … ماتركزوش أوي مع اللي بأقوله!
واحد و ثلاثون عاما من … لا تؤجل علوقية اليوم إلى الغد، اتعولق كلما سنحت الفرصة
واحد و ثلاثون عاما من … مش كفاية كده بقى؟!
واحد و ثلاثون عاما من … أخبط دماغك في الحيط
واحد و ثلاثون عاما من … ياللا ماعلينا
واحد و ثلاثون عاما من … هو مش لازم،بس لازم
واحد و ثلاثون عاما من … جينا نبعد قالولنا نقعد وجينا نقعد شَدّوا الكراسي
واحد و ثلاثون عاما من … ياما قلنا هنبعد، مابعدناش!
واحد و ثلاثون عاما من … تسقية البسكوت في الشاي
واحد و ثلاثون عاما من … من حقي عليكم انكم تسعدوني ومن حقكم عليا انكم تسعدوني
واحد و ثلاثون عاما من … خلونا ساكتين احسن
واحد و ثلاثون عاما من … الرقص علي السلم
واحد و ثلاثون عاما من … حالة سكتُم بُكتُم دماغية
واحد و ثلاثون عاما من … ان مكانش النهارده يبقي بكرة
واحد و ثلاثون عاما من … جماعة الأمر بخليك ف حالك والنهي عن الحشرية
واحد و ثلاثون عاما من … ايه الفتي ده
واحد و ثلاثون عاما من … بيقولولي صباح الخير عادي جدا وبمنتهى البجاحة
واحد و ثلاثون عاما من … انا اخدت بالي بس طنشت
واحد و ثلاثون عاما من … كان على عيني مِسِمْ
واحد و ثلاثون عاما من … اهو عشان كده مبحبش اعمل كده!
واحد و ثلاثون عاما من … جعااااهاااااااااان
واحد و ثلاثون عاما من … الشاي الكشري
واحد و ثلاثون عاما من … علأبوشكلك
واحد و ثلاثون عاما من … أنا في إيه ولا في إيه .. يندعقوا !
واحد و ثلاثون عاما من … يا شيخ اتلهي!
واحد و ثلاثون عاما من … طيب إيه؟؟! .. مافيش أي حاجة حلوة كده خالص إلا في الأكل؟؟!!!
واحد و ثلاثون عاما من … اهو كله على يدّك يا رب
واحد و ثلاثون عاما من … يللا خلي اللي يقبل يقبل!
واحد و ثلاثون عاما من … البص يمين و شمال و انا بعدي شارع اتجاه واحد !
واحد و ثلاثون عاما من … اليوم ده حلو ومش عايزه يخلص، بس ياريت يخلص قبل ما يبقى وحش
واحد و ثلاثون عاما من … حللتني بروح أمك؟!! إذا كنت أنا ذات نفسي مش فاهم نفسي يا جحش
واحد و ثلاثون عاما من … أنا لا أكذب، ولكني أشتغلك
واحد و ثلاثون عاما من … امك عارفة؟ آه عادي
واحد و ثلاثون عاما من … وضع قائمة الامنيات وبلها وشرب ميتها والصحيان الصبح عرقانين وزي الفل
واحد و ثلاثون عاما من … حضن السرير و الغناء و الله ما لينا غيره و الله، و الله ما لينا غيره
واحد و ثلاثون عاما من … مهرجان المعلش للجميع
واحد و ثلاثون عاما من … جوع منتصف الليل
واحد و ثلاثون عاما من … أمرك ياللي بتجيبلنا المصايب أمرك!
ليست هناك تعليقات:
إرسال تعليق