تبرع

كان معايا مبلغ بسيط نويت اروح اتبرع بيه فى ابو الريش واول ما وصلت
بتاع الامن بقوله عاوزه اتبرع جرى جابلى كرسى وكان ناقص يشيلنى قعدت على جنب بالكرسى
شفت طفل متكفن يجى اربع او خمس سنين من طوله على ايد باباه واحد مستنيه بموتوسيكل ومامته بتجرى وراه ومعاها واحده بيقولوا لو ملقناش ميكروباص هنتصرف ونيجى وفضلوا يجروا فالشارع ورا الموتوسيكل اللى هو مفيش تاكسى ياخدوا ابنهم فيه مش معاهم فلوس وانا اتسمرت مش فاهمه حاجه وفهمت بعدها من واحدة كانت
واقفه جنبى طفله يجى ١٢ سنه قالتلى ده كان داخل على رجله واتوفى مامته كانت بتقول كده وهى بتصرخ
لهجتها صعيديه قالتلى انا من اسوان بس لينا قرايبنا قاعدين عندهم جه اخوها يجى تلات سنين لاقيت فى ايده كانوله يا حبيبى وواقف جنبها الولد حافى
اى وقت بالليل تعدى جنب سور المستشفى هتلاقوا ناس نايمه فالشارع دول اهل الاطفال اللى جوه مش معاهم امكانيات يأجروا مكان يباتوا فيه فبيناموا فالشارع
وكمان ساعات يندهوا على اهل الطفل محتاجين لبن محتاجين دواء يعنى منتهى الذل
دخلونا للمدير الادارى الراجل رحب بينا وجاب لنا مدير الخدمه الاجتماعيه طلعنا مكتبه جاب فايل فيه حالات محتاجه
اطفال محتاجه علب لبن ومفيش امكانيه يعنى ممكن يموتوا عشان مفيش لبن
طفله عندها ٨٠ يوم عاوزه انبوبه اكسجين ومفيش امكانيه اهلها بيلفوا يدورا على حد يسلفهم
طفل محتاج دوا بالف جنيه وحالته خطيره مش مع المستشفى غير ٢٠٠جنيه وكمان تبرعات
وحالات كتيييييير مش قادره اوصفها بس دول اللى فكرنهم
المستشفى فيها اورام وقلب مفتوح وفشل كلوى
يافندم ليه مش عامليين دعايا قال احنا مش معانا نصرف على الدعايا
التبرع انك تساهم فى علاج حاله
او تتكلف بروشته وهما يبلغوك محتاجين كام
او تعيين اسر فقيره مش لاقيه تاكل وليها حالات عندهم
فى اسر جايه من ادغال مصر وفى اسره مش معاها موبايل متخيليين انهم قاعدين فالشارع عشان لو حصل حاجه محدش هيعرف يوصلهم
اى جنيه بتدفعوا بيبعتوا عالواتس صوره بالفاتوره
الراجل قال احنا هنا بفضل ربنا وتبرعاتكم هى اللى سندانا
انا مكنتش ناويه خااااالص اقول لحد بس بعد اللى شفته بعينى واد ايه الناس دى محتاجه ومحدش يعرف عنهم حاجه
دول اطفال بتموت واطفال فى حضانات واطفال عندها اورام واللى عندها ايام وصمامتها مسدوده وعندها اكتر من ثقب وامهات شفتها شايله عياله صغيرييييين وفى ايديهم الكانوله كنت عاوزه اعيط جنبهم حمدت ربنا على كل نعمه مش حاسين بيها وان الحمدلله بنتى سليمه ربنا يجيرهم فى مصائبهم
لو كل واحد فينا اقل الايمان خد خمسين جنيه وراح اقسم بالله ممكن تنقذ طفل احنا بنشترى ميكب اب ولبس وجزم وبناكل باكتر من كده اكننا مش هناكل من بره يوم
ممكن كل كام واحده وواحد وصحابهم يلموا من بعض ويتصدقوا كل شهر هناك وخلوا كل مره نيه حلوه للصدقه الجميله دى مره تنجحى مره تتجوزى مره يطول فى عمر اهلك مره لمتوفى والله والله ربنا اكرم مننا احنا اللى محتاجين ده مش هما
طولت عليكم وياريت تعملوا شير عشان الكل يشوفوا 😘😘
منقولة
إبداء بنفسك وساعد غيرك
مستشفى ابو الريش للاطفال فيها اطفال بتموت عشان اهلهم معهمش ٥٠ ج يجيبوا علاج اللى عاوز يتبرع يروح بنفسة و يجيبلهم علاج او دم او يتبرع فى حسابهم فى بنك ناصر الاجتماعي حساب رقم ٣/٤٦٦٧ المستشفى معندهاش فلوس علشان تعمل دعايه زى مستشفى 57 فخلينا احنا نبقى الدعاية بتاعتها ...... شير فى الخير.. عايزين نشير علشان الناس تساعد .... و الخير دوار ... شير فى الخير‏‎Ahmed Aly‎‏ في يوميات ‏‎Bonjour Hobi‎‏.
9 يناير، 2017 11:46 ص
alswasy300.blogspot.com
alswasy300.blogspot.com
معلش لا حياء فى الدين خليك راجل واتعلم
http://alswasy300.blogspot.com/2013/04/blog-post_9651.html
الرجالة الى عيونها بصاصة كدة عيب
http://alswasy300.blogspot.com/2013/04/blog-post_884.html
مشاركة
انهم يشجعون الفساد ومحاربة الاسلام
http://alswasy300.blogspot.com/2013/04/blog-post_3758.html... عرض المزيد