بطلى كدب يا تفيدة هوه عشان الراجل مابينزلش بنفسه السوق هتستكرديه وتقوليله كيلو الطماطم بــ 10 جنية
كدابه فى أصل وشك ياتفيدة أنا بنفسي شايف سعادة المحافظ بالتلفزيون فى السوق بذات نفسيته والطماطم عليها تسعيرة (جنية ونص) ياتفيدة
والراجل الشهادة لله ماعداش كده على البياع وخلاص لا ده سأله "كيلو الطماطم بكام ياريس" رد البياع وهوه بيجعر (جنيه ونص) ياسعادة الباشا
وطبعا بما إنى ساكن قريب من السوق اللى زاره الباشا المحافظ وعارف البياع اللى معاليه كلمه شخصياً فإنبهرت أوى ومكدبتش خبر وقررت أنزل بعد ساعتين للسوق وروحت للبياع واشتريت منه كيلو الطماطم بـ 6 جنية
يعنى إنتى برده كدابه ياتفيدة كيلو الطماطم مش بـ 10 جنية ياتفيدة ياكدابة ياللى تنشكى فى قلبك
ياحكومة الرقابه على الأسعار أهم بكتير من زيادة الأجور او تخفيض الدعم أو أى قرارات متعلقه بمحدودى الدخل والمواطن البسيط
آخ نسيت .. إعتذارُُ واجب " أنا أسف ياتفيدة "
BasSseM باسم ريحان
ليست هناك تعليقات:
إرسال تعليق