ما الذى يدفع شخصا ما لفعل شيى خاطىء؟ وما الذى يدفعه أيضا لفعل الصواب؟
بص هو الموضوع مش بسهولة انه يتجاوب ف كلمتين .. حتى لو قلنا ان الصواب والخطأ معروفين ومحددين لكن طبعا فيه تفاوت بين شخص وشخص وكل فعل يحتمل نسبة من الصواب والخطا .. العوامل كتير جدا اللى بتأثر على فعل البنى ادم طبعا من اهمها النفس .. النفس دايما مبتفكرش غير فى نفسها وشهواتها وبتدفع للانسان لاى فعل تحبه ايا كانت نتيجته .. واللى بينجح فى تحجيم نفسه شوية طبعا بيبعد عن حاجات كتير غلط .. وبيساعده ف كده انه يكون له ضمير يقظ يفوقه كل شوية وقبل كل فعل .. بيأثر فى فعل البنى ادم خلفيته الدينيه ومدى تعلقه بربنا ومدى خوفه من الحساب وده بيوجهه احيانا للطريق الصح .. الفكرة ان الموضوع معضل شوية .. حاجات كتير بتأثر ومنها الظف او الموقف اللى انت فيه .. ممكن تكون شخص بتعمل كل حاجة صح "من وجهت نظرك" وتيجى ف موقف تتصرف عكس كده لان الموقف حتم عليك كده او شفت ان ده احل ولا شئ غيره .. خلى عندك ضمير صاحى .. افتكر ربنا قبل كل فعل .. لجم نفسك شويتين .. تأمل .. وده كله طبعا فى الصح والخطأ فى الأمور الثابتة والواضحة زى مثلا التصرف ف مال او وجه انفاق او اى شئ معروف فيه الصواب والخطا .. لكن فى الامور الحياتيه الموضوع بيكون متفاوت لأن الصح عندى خطأ عند غيرى وهكذا
ليست هناك تعليقات:
إرسال تعليق