شوفوا كلنا بنواجه صعوبات و ضغوطات في حياتنا ، في ناس كتير بيجيدوا الشكوى و في ناس بتتجاهل صعوبات كتير في حياتها و مابتشيلش الهَم منها و تيجي في حاجة شعورية ، حاجة بسيطة و يحسوا بالهَم ، في ناس دايماً مستنيين اللي هياخد بإيديهم زي سعاد حسني و تقولهم الحياة بقى لونها بمبي ، و دايماً بيفرضوا الشكل ده في بداية تعارفهم بالآخرين ، في ناس قضت سنين في كآبة و هم و توصلوا لقناعات روحانية أو فلسفية بتساعدهم أنهم يواجهوا الأفكار الشريرة تجاه ذاتهم و تجاه العالم ، في المساحة دي لما نتعرف ، عاملوا الآخرين على أنهم زيكم بالظبط ، ماترموش كل همومكم عليهم و ماتحلموش أنهم اللي هيغيروا شكل حياتكم بالكامل ، ماتعتمدوش عليهم بشكل كلي لأن ده بيخلي الناس تهرب ، تهرب جداً ، برضه لو ادعيتوا أنكم رغم همومكم أنكم مبسوطين بالوحدة و العزلة فده برضه بيخلي الناس تهرب ، فاعتبروا كل معرفة جديدة ، شجرة بتتزرع بيسقيها اتنين مش شخص واحد … ضيعنا ناس كتير لطاف بمرور الزمن ضيعناهم و ماحتفظناش بأي حاجة تسجل مرورنا ببعض ، مرورنا كله مرور مؤقت و مليان نسيان