لما تخلف البنت اذا اصرت تخليه وبحكو للولد لو خلفت وحللنا وطلع الك رح تتزوجها قصرا او رح نرفع قضية ومحاكم ونفقة غير حد الزنا وزي هيك قاونين رائعه بنظري لانو بتخلي الزلمه يفكر الف مرا قبل ما يعمل اشي وغير هيك هي عملت اشي بغير رضا ربها شو متوقعه اذا الله اغضبتو بتتوقع العالم يرضى عنها ؟ وبيني وبينك في ناس عندهم ام واب وكأنهم لقطة لا اخلاق ولا حدود ولازم نرجع لنقطة الاهل تمام الشب مش مناسب لبنتك طيب خليها تتجوز وتعرف بلاش يختارو طريق حرام عشان رفض احد

البني ادم اناني ، و أبوه للولد وسخ ، هي بنظري واحدة معاقة لسبب انها ما فكرت بالكارثة الي حطت ابنها المسخم فيها ، انا بحس انها ام وهاد ضناها بس كان بالإمكان تجبري الشاب يتزوجك غصب من عنه بمهر قليل يكتب عليها ويطلقها و السلام وياخذ الولد اسم ابوه وخلص ، من غير ما تنزلي صورك و صوره وهاي الضجة كلها ، او بالإمكان فحص DNA و المحكمة بتثبت النسب بالإجبار ، مش ع خاطره ، بس ما تعيش دور الضحية ، لآنك وقتها ما فكرتي الا بحالك و الاب ما فكر الا بحاله ورح تجيبوا ولد ع مجتمع رح يلعن اساسه ..

5 notes

حارتنا الجميلة حد فيهم مسمّم كلب هيك من الباب للطاق ، قال يعني مزعج إهيء وبخافوا ع ولادهم قليلين الترباي أصلاً “ الكلاب لازم تخاف ع حالها منهم” ، واحد الله ينتقم منه غالباً حاطط سم في أكل لكلب وهداك المسكين أكل وتسمم وقعد ينزف من ثمه وينازع ساعة لحد ما مات ، ما فيه في إيدي أساعده لآنه ما معي سيارة ولا حد رح يقبل يحمل كلب معه ، غير انه انت بنت وبلا بلا بلا ، قعدت الصبح أضيع الوقت عشان ما اسمع صراخ الولاد عنده مش تاركينه بحاله لحد ما مات ، لحد ما كنت طالعة العصر ولقيت حد محترم رابطه في حبل وساحبه لآخر الشارع بس ، مسكت الحبل وكملت في اني اسحب الكلب ع ارض زراعية عند الشجر ، بس هاد الي عملته ، شعور العجز وسخ وزبالة ، مقيد من كل النواحي مش قادر تساعد حد ، ما تسيبوا الحيوانات تعيش يا عالم يا مقرفين ؟! قاعدين كافيين خيرهم شرهم شو بدكم فيهم ؟! الله يسمك وتقعد تفعفط في الشوارع وما تلاقي حد يعطيك شربة ميّ، الانسان متوحش وغدار خاف منه لا تخاف من حيوان بتعامل بغريزته .

10 notes

في هاشتاغ ع الفيس اسمه إدعم هدير ، هاي واحدة كانت تحب واحد بس اهلهم مش موافقين ، راحوا تزوجوا عرفي ، اهلهم و أصحابهم عارفين بس من غير مأذون أو “ محكمة” العرفي مش موثق هيك ورق بس ،ولما عرفوا انها حامل حاولوا معها انها تُجهض الولد بس ما قبلت ، و زوجها “ الي قالت انها بتحبه حب مرضي” رفض انه يعترف بإبنه ، هلا اهلها و زوجها هاد واهله واقفين ضدها ، وكثير حكي يعني ، حسب معلوماتي الشحيحة ، زمان ما كان فيه توثيق للزواج ، فلان وفلانة تزوجوا حفلة بقصد الاشهار وخلص ، التوثيق الرسمي بلش يصير ايام الدولة العثمانية ، الي احنا بنتعامل فيه هلآ وكان فيه توثيق ايام الدولة الأموية بس بطريقة مختلفة ، التوثيق هاد بس لحفظ الحقوق عشان ما يجي أبو الشباب مثل الي فوق يبطل يعترف بالولد ، هلأ الي عملته هاد اسمه زنا ، أنا مش متعاطفة معها ، انا زعلانة ع الولد إلي ممكن يضل طول عمره بنظر المجتمع “ ابن حرام ” ويدمر مستقبله ويعيش بعقد نفسية على فرض انه ابوه ما رح يعترف فيه ، أنا متعاطفة مع غريزة الأمومة الي فيها ومتفهمة انه ممكن كان نفسك تكوني ماما وعندك طفل ، بس ما كان لازم تدمري حالك وحال ابنك ، بعدين هو بنت بكامل قواها العقلية أي كان نوع هاد الحب بتصدق شاب وعربي كمان ؟ أصل الكذب و الخرط ؟ بتفرقي بحالك تحت مسمى الحب ، الذكور مهما بلغ من عقل وثقافة واحترام ، هو غريزته متغلبة عليه قد ما تحاولي تجيبه يمين شمال هو غريزته رح تحكمه وبعدها خلص رح يفتك منك و السلام ، الغريب انه زينة واحمد عز نفس القصة بس واحدة غنية وواحدة عادية ، الله اعلم كيف يتعامل المجتمع معها ، كمية الشتم و القذف الي في الهاشتاج مرعبة ، كل البني ادمين غلطوا ورح يغلظوا ، فلا تعيش دور القديس على غيرك ، أنا شفقانة ع الولد الي مارح حد يقدر يحميه من حياته الجاية .!