الصلاة

لظروف خاصة واحوال اسرية تنشئ البنت بدون خبرة فى الحياة وهناك نوعان نوع مش عاوز يتعب دماغة وسايب الدنيا تجرة حتىأه ه ه كنا بنتكلم على الحاجات الصغيرة اللى بنعملها على طول و ما بنحسش بيها رغم أنها ممكن تودينا قعر جهنم و العياذ بالله أول حاجة كانت القسم بغير الله تانى حاجة هى كالأتى:
زمان جدى الله يرحمه كان يقولى متقولش يا نهار أسود لو قفلت معاك و خلص عايز تقولها قول يا نهار أبيض , و مكنش بيقولى ليه!!
لغاية لما قريت الحديث ده قريب ,حديث قدسى هوا و مذكور فى البخارى و مسلم ( عن أبى هريرة رضى الله عنه قال: أن رسول الله صلى الله عليه و سلم قال: قال الله:: يسب بنوا أدم الدهر ., و أنا الدهر ,بيدى اليل و النهار) .
و العلماء اتفقوا إن الدهر = الزمن , و إختلفوا بس فى تحديد نقطة البدء و نقطة الإنتهاء لهذا الزمن.
و إحنا اللى يهمنا أول نقطة اللى هى الدهر = الزمن, و بشوية تعويضات كده!
الله = الدهر , الزمن= قرن-سنة-شهر-يوم-نهار-ليل , الدهر = الزمن 
و بالتعويض نجد أن الدهر = قرن -يوم - نهار -.................,, الله هو القرن و هو اليوم وهو النهار!!!!!!!!!!!! إذن فإننا عندما نقول نهار أسود أو سنة شؤم أو يوم كئيب,,,,,فنحن نسب الله جل جلاله و العياذ بالله.
شفتم الموضوع طلع كبير و الخل سهل بردوا نقول لصحابنا على الموضوع ده و نحاول نبطله مع بعض و نفكر بعض و لو قفلت معانا نقول يا نهار أبيض و هكذا.
و أفادنا الله و إياكم و يا ريت حد يعبرنى أو على الأقل يقولى لو أنا رخم أو موضوعاتى تافهة علشان أنسحب بالذوق و بكرامتى قبل ما الزباين يطردونى و لا يرمونى بالشياش :D :D :D :D :D :D :D
السلام عليكم
فكرة الحاجات الصغيرة دى يا احمد فكره جميله جدا
انا شخصيا كنت متعود على كلمة والنبى
وبدات من فترة ابطلها
والفضل طبعا لله 
ثم لناس زيك كده بيفكرونا بالحاجات دى

بس مش عايزك تزعل من عدم الردود كده يا احمد
لسببين
1- يكفى تشوف عدد زوار الرسالة عشان تطمن ان ناس كتير قروها
2- الموقع بقاله فترة طويلة شغال وده بيدى احتمال تكرار المواضيع
فالناس طبعا مابتردش على موضوعات قروها قبل كده
ولو عايز تتاكد من كده ممكن تراجع الصفحات السابقة بتاعة اى ركن لو عندك وقت
واخيرا اوعى تمشى لان صدقنى اللمة اللى هنا حلوةعندك حق فعلا كلام صغير الواحد لما بيقولي مش عارف انه بيودي نفسه في الهلاك
لو سمحتلي بس حبيت اضيف حاجه وهيا برده حاجات تودي في دهية؟..........................
كتير من المصريين خصوصا بيقولو(والنبي) وده حرام جدا لانه بيوصل للكفر والعياذ بالله
وكمان(لاحول لله)وكمان دي منتشره جدا احنا هنا بننفي الحول والقدره عن ربنا فالاولى نقول(لاحول الابالله)
وكمان لما واحد يموت ونقول(أصل ربنا افتكرو) وهو اصلا ربنا كان ناسيه؟؟؟؟؟؟؟؟؟؟؟
وكمان لما نقول (ده كان بفل ربنا وبفضل فلان)ده كمان حرام لان الواو هنا بتدل على المساواة بين العبد وربه والمفروض نقول(ده كان بفضل ربنا ---ثم-----ولوثم تقيله نقول----وبعدين----فلان)*
ربنا يغفرلينا جميعا ان شاء الله
آه اضحكم على حاجه ماما مدرسة ومش متعمقه في دراسة الدين وكانت بتقول ينهار اسود في المصايب لما قلتها حرام طبعا غلبتنا لما بطلت ينهار اسود وبقت تقول ينهار ابيض المهم قلتلها برده دا حرام
المهم مره سمعتها بتقول ينهار اسوخ بالخاء مش الدال فقلتها ايه اسوخ دي قلتلي انها سألت مدرسة دين عن ان الي في لسانها دا عاده مش اكتر فقالتلها اسوخ احسن من اسود لانه مفيش لون اسوخ ومبتقصدش حاجه :wacko: :wacko: :wacko:

ميشو
06-29-2002, 01:23 PM
اخوتي الاحباء جميعا في الله
امبارح لسه كنت عم بقرا في كتاب في ظلال القرآن لسيد قطب رحمه الله 
في نقطة اشار اليها انه ((ولاتجعلوا لله اندادا وانتم تعلمون)) ...تخيلوا انه شرح هذه الفقرة على ان الشرك بالله ليس فقط ان تشرك بعبادته شيئا مثل الكفار (يعني الهة ) ولكن ممكن ان تشرك بالله اذا قلت مثلا : لولا فضل الله وفلان..... لكان حصل الشئ الفلاني او ان تقول وبمشيئة الله ورضا فلان .... وهكذا .....

بس ....
بس.... بس ...... أنت ايوه انت 
تعال عايزك في موضوع يهمك ............
انت عايز تخشع في الصلاه ومش عارف ؟؟؟؟
يلا يا عم الحل بتاعك هنا اهه وبلاش 
ادخل هنا ده فرصه يا ولا ماتضيعهاش من ايديك 
بس انت تدخل تقراه ده لو كنت لسه عايز تصلي من اساسه 
ول ما كنتش عايز تظبط الstop watch وانت بتصلي يلا تعالي يا ولا ورايه :blink: :blink: 

بصراحه هو الموضوع طويل ومش هاينفع يكون في رساله واحده وعشان كده للحدبثبقيه في رساله تانيه


الخشوع في الصلاه :-
*******************************
أساليب الخشوع في الصلاه : -
-----------------------------------
1 ) إياك والمعـصيه :-
ده معادله بسيطه جدا عارف ايه هي :-
ذنب # خشوع يعني ذنب لا يساوي خشوع
وعلي فكره يا ريس
القلب عمره ما كان قاسي بطبيعته واحنا اللي عملناه كده وخليناه يبقي كده احنا كلنا كده مخلوقين من روح واحده والنفخه الالهيه واحده بس احنا اللي قسينا قلوبنا وخلنيها تبقي كده
وحط مقوله الراجل ده قدامك :-
كيف ترحل الي الله وانت مكبل بشهواتك
وكيف ترحل الي الله وانت غير متطهر من جنايه غفلاتك !!!!!!!!!!!!!!!!!

2 ) إحفظ شيء من القران وإعرف تفسيره وصل بيها وتدبر ما تقراه :-
عارف ليه لانها برضه معادل بسيطه وهي :-
كل ماتحفظ اكتر كل ما تفهم اكتر وكل وكل ما فرصتك في الخشوع تكتر
وعشان كده تلاقي نفسك في رمضان في قمه الخشوع عارف ليه مش لان رمضان شهر مفترج بس ولكن كمان لانك بتقرا قران كتير وبتمعن وبتفهم القران وايات القران وعشان كده لما الشيخ بييجي يقرا وانت بتصلي وراه بتكون بتعيط اول ما بيبدا قرائه لانك عارف ان الايات ده في بعدها ايات شديده وبتخليك ترتعش ووووو الخ 
طيب ما هو اللي نعمله في رمضان نعمله في غير رمضان 
ومش بنقول انك تحفظ البقره وتصلي بيها وكده لا انت فعلا لازم تحفظ البقره والمصحف كله وتبدا بالحفظ بس احنا بنقول هنا انك اكيد حافظ قل هو الله احد صح ؟؟؟ طيب انت عارف تفسيرها ؟؟؟ والله لو عرفت تفسيرها وتدبرته ده انت هاتحبها حب ؟؟؟؟ وهاتعشقها ويمكن تصلي بيها كل الفروض مش عشان هي قصيره لا لان معانيها كتييييييييييييره جدا
طيب انت عارف الرسول بعت مره سريه حرب ولما رجعت السريه قالوا للرسول ( ص ) ده الراجل اللي كان متولي امر السريه كان علي طول بيصلي بقل هو الله احد فقال لهم الرسول (ص) اسالوه ليه ؟؟؟؟
قال لهم ان هو بيحب قل هو الله احد وبيموت فيها وبيحب يصلي بيها
فالرسول قال ان الله بيحبه بسبب حبه لقل هو الله احد !!!!!!!!!!!!!!!!!!!!!!!!!!!

3 ) صلي في جماعه :-

انت عارف طبعا ان صلاه الجماعه احسن ب 27 درجه من انك تصلي لواحدك 
بس احنا هنا بنقول انك تصلي في جماعه وتكون بتحب الامام اللي بتصلي وراه وبتحب تسمع القران منه لانك اذا حبيت سماع القران منه صعب تسيبه وتسرخ في حاجه تانيه .... انت عارف انك هاتيجي فتره عليك ومش هتكون عايز الشيخ يركع لانك حابب القران اللي بيقراه وانت عارف مثلا ان الايات اللي بعد كده جميله 
مش تروح تصلي ورا امام بيمسك الصلاه في اربع دقايق والسلام وبيكروت الصلاه ويعني بيعمل فيها البدع وانت مش بتصلي وراه لا انت بتجري وراه وبتتعب بعد ما تخلص صلاه لانك بتكون بتنهج من الصلاه
بقه ده اسمه كلام !!!!!!!!!!!!!!!!!!!!!!!!!!!

4 ) افهم معني الصلاه :-
طيب وهي الصلاه ليها معني ؟؟؟ وحركات الصلاه لها معني ؟؟؟؟
اه ده الحركات بتاعت الصلاه ده لها انعكاسات ع القلب وعلي الخشوع بتاعك 

طيب نمسكهم حاجه حاجه :-
الوضوء & القبله & التكبير & الركوع & الوقوف بعد الكوع & السجود وليه هما سجدتين & ..... الخ

اولا : الوضوء :-
انت عارف ان الوضوء ده بيغسلك من الذنوب ؟؟؟ عايز تتاكد تعال معايه : - 
فيما معني الحديث عشان لو اخطات الحديث :-

إذا قام العبد فتوضا فغسل يديه خرجت الخطايا من يديه حتي تخرج من تحت اظافر يده
وإذا غسل تمضمض خرجت الخطايا من تحت لسانه وإذا غسل وجهه خرجت الذنوب من تحت اشفار عينيه وإذا مسح راسه خرجت منه حتي تخرج من نحت عينيه
وإذا غسل قدميه خرجت من تحت اظافر قدميه

ثانيا :- القبله :-
القبله يا مان مش بس انك تعدل السجاده اللي بتصلي عليها بس لا ده انت لازم تخلي قلبك برضه يتجه ناحيه القبله يعني ناحيه ربنا فلا يعقل ان يكون الجسد في ناحيه القبله وانت معرض عنها 
ده انت لازم تعرف انك واقف ادام ربنا ولازم تخلص له.

ثالثا :- التكبير في الصلاه :- 
ماسالتش نفسك ليه بتقول الله واكبر ؟ وليه مش بتقول سبحان الله ولا اي حاجه تانيه؟
 انه يا رب مافيش اي حاجه اكبر منك . يا ربßالله اكبر يعني  ولا مراتي ولا خطيبتي ولا اولادي ولا شغلي ولا اخواتي ولا اي شيء في الدنيا . واي شيء يل رب مهما كان كبير ومهم فانت اكبر يعني يا رب انك انت وحد الاكبر واللي تستحق العباده
ومش بس بالقول بس والكلام بس لا كمان لازم قلبك يقولها وكل ما تيجي تسرح في الصلاه تفتكر ان ربنا اكبر منه فترجع له بسرعه .
يا جدع ده انت في مقابله مع ربنا . يلا اقبل عليه لان الله اقبل عليك بوجهه وماتتلفتش عن وجهه لانك إذا التفت عنه اول مره ربنا ينادي عليك ويقول لك 
أإلي خير مني تلتفت ؟؟؟؟ اوجدت خير مني تنظر اليه ؟؟؟؟؟
يااااااااااااااااااه ده عتاب شديييييييييييد ورقيييييييييييييييق 
ده انت يا اخي لو في مدير عليك بيكامك بتقف كانك واقف في طبور جيش ومش قادر تحرك جفن عينيك لاحسن المدير يكلمك !!!!!!!! فما بالك بربنا ؟؟؟؟

انت عارف الله اكبر بتمنع الكبر واول ماتقولها بتكون واحد من اتنين :
a) اما ان الله اكبر فعلا وهنا يبقي هاتبكي من الخشيه او 
B) ان الله اكبر مجرد كلمه وبرضه هنا لازم تبكي لان القلب بتاعك مات ولان القلب غير قادر علي العباده الخالصه 

رابعا: قراه الفاتحه :-
لازم تقراها بخشوع وتدبر للايات عارف ليه ؟؟؟ لان ربنا بيرد عليك ... يا سلام هو ربنا ممكن يرد عليه وانا باصلي ؟؟؟؟ اه يا عم يرد عليكي تعال شوف :- لما تقول :-
* الحمد لله رب العالمين "ولازم تشعر بنعمه ربنا" لان ربنا بيرد عليك ويقول حمدني عبدي
* الرحمن الرحيم "ولازم تشعر برحمه ربنا " ربنا يقول مجدني عبدي
* مالك يوم الدين "ولازم تتذكر انك هاتقف بين يديه " ربنا يقول اثنا علي عبدي
* إياك نعبد واياك نستعين " تشعر انك مالكشي غيره وتطلب منه العون ربنا يقول هذا بيني وبين عبدي 
* إهدنا الصراط .....الخ "تتوسل الي الله مش بس ليك لا لكل المؤمنين ربنا يرد هذا بيني وبين عبدي ولعبدي ما سأل !!!!!!!!!!!!!!!!!!!!!!!!!!!!!!
ها مش عايز تستمتع برد ربنا عليك ؟؟؟؟؟ مش عايز تسمع ولا حتي تحس بيه ؟؟؟؟؟


خامسا : قرأه سوره صغيره :-
تقراها بتدبر وتمعن وتخشع فيها
وهنا الناس 3 انواع تعال شوفن نفسك انت مين فيهم

1)واحد بيقرا بلسانه وكانه بيسمع من غيره
2)واحد بيقرا وقلبه غير حاضر معه فيما يقرا 
3)واحد يقرا وقلبه يسمع الاول وبعدين يقرا بلسانه 
تعالي نشوفهم كده :- 
* الاول بيقرا ولا هو هنا وكان واحد بيقرا له وهو بيسمع وحتي مش بيلحق يسمع
* التاني واحد بيقرا ولكن قلبه مش حاضر يعني يقرا كده من غير تدبر
* التالت بقه بيقف ورا الامام او حتي لوحده وهو بيرقا قلبه حاضر وقبل ما يقرا الايه بيكون خاشع بدليل اننا وإحنا واقفين ورا الامام وبيقرا في سوره ق انت بتقف وراه جسمك كله بيرتعد لانك عارف ان في أيه هاتيجي شديه وان في أيات هتخلي جسمك يرتعد 

ها انت من فيهم ؟؟؟؟؟؟ الاول متهيا لي لا لان لو الاول مش هاتكون كويس 
التاني برضه مش اوي
التالت يا ريييييييييييييييييييييييييييييييييييييييت


سادسا: الركوع :-
ليه بتقول سبحان الله العظيم ومش بتقول لا اله الا الله مثلا ؟؟؟؟؟هل تعلم أن الصلاة وصية النبي صلى الله عليه وسلم عند خروجه من الدنيا
>قال رسول الله صلى عليه وسلم وهو يلفظ أنفاسه الأخيرة : الصلاة .. الصلاة
>
>هل تعلم أن الصلاة مفتاح كل خير
>قال ابن القيّم رحمه الله : الصلاة مجلبة للرزق ، حافظة للصحة ، دافعة للأذى ، 
>طاردة للأدواء ، مقوية للقلب ، مبيضة للوجه ، مفرحة للنفس ، مذهبة للكسل ، 
>منشطة للجوارح ، ممدة للقوى ، شارحة للصدر ، مغذية للروح ، منورة للقلب ، 
>حافظة للنعمة ، دافعة للنقمة ، جالبة للبركة ، مبعدة من الشيطان ، مقربة من 
>الرحمن
>
>هل تعلم أن المولى تبارك وتعالى يبرأ من تارك الصلاة
>قال رسول الله صلى الله وسلم : (لاتترك الصلاة متعمداً ، فإنه من ترك الصلاة 
>متعمدا فقد برئت منه ذمة الله ورسوله) أي ليس له عهد ولا أمان
>
>هل تعلم أن النبي صلى الله عليه وسلم وصف تارك الصلاة بالكفر
>قال رسول الله صلى الله عليه وسلم : بين الرجل وبين الكفر ترك الصلاة
>
>هل تعلم كيف يُعذَّب تارك الصلاة في قبره؟
>قال رسول الله صلى الله عليه وسلم : أتينا على رجل مضطجع ، وإذا آخر قائم عليه 
>بصخرة ، وإذا هو يهوي بالصخرة لرأسه فيثلغ رأسه فيتدهده الحجر (أي يتدحرج) 
>فيأخذه فلا يرجع إليه حتى يصبح رأسه كما كان ، ثم يعود عليه فيفعل به مثل ما 
>فعل المرة الأولى ، فقلت : سبحان الله ! ما هذان؟ فقال جبريل عليه السلام إنه 
>الرجل ينام عن الصلاة المكتوبة
>
لان الانسان ده مش بيركع لاي حد غير ربنا ولان الانسان مش بيتزل لغير ربنا ولازم تقوله يا رب انت الاعظم عشان كده انا باركع لك في ذل وخشوع واتمني انك تقبلني عبدك !!!!!!!!!!!!!!!!!!!!!
ولما تيجي تقف من الركوع ليه بتقول سمع الله لمن حمده ومش بتقول الله اكبر ؟؟؟؟؟؟
لان الانسان وضعه الطبيعي وطبيعه جسمه انه يكون منتصب والجسم مفرود" بالبلدي كده "
وانت كنت وانت راكع جسمك مش واخد شكله الطبيعي وان لما تقف وجسمك ياخد وضعه الطبيعي لازم تحمد ربنا انه رجعك كما كنت وانه ماحكمشي عليك تكون كاي حيوان بتمشي علي ايدك ورجلك طول عمرك 
يبقي لازم تحمده ولا لا ؟؟؟؟؟؟
انت عارف ان واحد صحابي قال بعد ما وقف من الكوع دعاء او بمعني اصح حمد ربنا تسابق 39 ملك عشان يكتبوا له التحميده ده !!!!!!!!!!!!!!!!!!!!! تخيل بقه !!!!!!!!!!!!!!!!!!!

سابعا : الســـجود :-
وانت بتحط راسك في الارض وانت بيبقه جبهتك كلها علي الارض ده مش زل ؟؟؟؟ لازم تشعر بحلاوه الذل ده !!!!!!!!!!!!!!!!!! طيب وهو الذل حلو ؟؟؟ لا الا في الموقف ده واي موقف تكون فيه مذلول لربنا !!!!!!!!!!!!!! مذلول لمن خلقك
وبالرغم من كده وانت ساجد بتكون قريب اوي اوي اوي من ربنا !!!!! ومش بس كده لا ده كمان بتكون دعوتك مستجابه يبقي تدعي ولا لا ؟؟؟؟ ليه تفوت الفرصه ده عليك ؟؟؟؟
طيب ليه بنسجد سجدتين ؟؟؟ ومش زي الركوع سجده واحده بس ؟؟؟؟
لان انت محتاج انك تتذل مرتين مش مره واحده لان وانت هاترفع راسك وتحس ان خلاص مكش مذلول لازم ترجع وتكسر نفسك وتقلها لا لازم اتذل تاني لربنا لازم ارجع له تاني ولازم تقول يا رب انت الاعلي اهه وانا الذليل وانت في السما وانا في الارض وان هاكون بعد شويه في بطن الارض وبعديها هاجيلك يا رب فاقبل ذلي ده وارحمني بيه يوم الحساب 

ثامنا : التشـهد :-
لازم تقرا التشهد بتدبر ولازم تعرف ان اللي كون التشهد ده الرسول وربناوالملائكه وجبريل
ولازم فيها تسلم علي الرسول والملائكه وبمعني اشمل كل عباد الله الصالحين ولازم تشهد انه لا اله الا الله 
وتقراها بتدبر وخشوع وتشعر بيها وبعدين تسلم
-------------------------------------------------------


بارك الله فيك 
حقيقى موضوع ممتاز وانا كنت محتاجاه من زمان واحنا كلنا فعلا محتاجينه فجزاك الله الف خير على ذلك وفى انتظار الجزء الثانى ان شاء الله 
ولكن دعنى اقول ملاحظة صغيرة ^_^ لأهمية الخشوع فى صلاتنا:
عن عبادة بن الصامت ان النبى (ص) قال: " من توضأ فأ سغ الوضوء ثم قام الى الصلاة فأتم ركوعها وسجزدها والقراءة فيها قالت الصلاة: حفظك الله كما حفظتنى ثم يصعد بها الى السماء ولها ضوء ونور فتفتح لها ابواب السماء حتى ينتهى بها الى الله تبارك وتعالى فتشفع لصاحبها فاذا ضيع ركوعها وسجودها والقراءة فيها قالت الصلاة: ضيعك الله كما ضيعتنى ثم يصعد بها الى السماء فتغلق ابواب السماء دونها ثم تلف كما يلف الثوب الخلق فيضرب بها وجه صاحبها" رواه الطبرانى والبزار.
والسلام عليكم ورحمة الله :f:

هل تعلم أن الصلاة وصية النبي صلى الله عليه وسلم عند خروجه من الدنيا
>قال رسول الله صلى عليه وسلم وهو يلفظ أنفاسه الأخيرة : الصلاة .. الصلاة